• Parti tal-istampa
  • Stqarrijiet għall-istampa
  • Gallerija ta’ ritratti
  • Kuntatti
• Librerija
  • Dokumenti
  • Vidjows
  • Links utli
• Avvenimenti
  • Avvenimenti Ewropej
  • Workshops tematiċi
  • Jiem lokali dwar l-enerġija
• Mistoqsijiet?
• Kuntatti

Strutturi ta’ Appoġġ

Il-Patt tas-Sindki huwa miftuħ għall-bliet ta’ kull daqs fl-Ewropa. Dawk il-bliet u rħula li mgħandhomx riżorsi suffiċjenti biex ifasslu u jimplimentaw il-pjan ta’ azzjoni tagħhom stess għandhom jiġu appoġġjati mill-amministrazzjonijiet b’kapaċitajiet bħal dawn.

L-Istrutturi ta’ Appoġġ huma definiti bħala dawk l- amministrazzjonijiet pubbliċi li huma f’pożizzjoni li jipprovdu gwida strateġika, appoġġ finanzjarju u tekniku lill- muniċipalitajiet bir-rieda politika li jiffirmaw il-Patt tas-Sindki, iżda li mgħandhomx il-ħiliet u/jew ir-riżorsi biex jissodisfaw ir-rekwiżiti tiegħu, jiġifieri t-tħejjija u l-implimentazzjoni tal-Pjan ta’ Azzjoni għall-Iżvilupp Sostenibbli tal-Enerġija. Dawn l-Istrutturi ta’ Appoġġ jistgħu jkunu korpi pubbliċi nazzjonali u reġjonali, kontei, provinċji, agglomerazzjonijiet, bliet “konsulenti” (mentor cities) eċċ.

Il-kompiti tipiċi jinkludu:

• Jippromwovu l-adeżjoni mal-Patt tas-Sindki fost il-muniċipalitajiet fiż-żona tagħhom u jipprovdu appoġġ u koordinazzjoni lil dawk il- muniċipalitajiet li jiffirmaw;
• Jipprovdu assistenza teknika u strateġika lil dawk il- muniċipalitajiet li huma lesti li jissieħbu fil-Patt iżda li mgħandhomx ir- riżorsi meħtieġa sabiex iħejju pjan ta’ azzjoni tal-enerġija sostenibbli;
• Jipprovdu appoġġ finanzjarju jew opportunitajiet lill- muniċipalitajiet għall-ispiża relatata mat-tħejjija ta’ SEAP;
• Jappoġġjaw l-implimentazzjoni tas-SEAPs u l-organizzazzjoni ta’ jiem lokali dwar l-enerġija sabiex titqajjem kuxjenza; u
• Jirrappurtaw regolarment lill-Kummissjoni dwar ir-riżultati miksuba u jipparteċipaw fl-implimentazzjoni strateġika tal-Patt.

It-tieni tip ta’ strutturi ta’ appoġġ huma netwerks ta’ awtoritajiet lokali u reġjonali li jimpenjaw ruħhom li jtejbu l- impatt tal-Patt billi jippromwovu l-inizjattiva, jikkollaboraw mal-membri tagħhom, jiffaċilitaw l-iskambju tal-esperjenza u jiddefendu l-interess komuni fil-fora adegwati.

L-Istrutturi ta’ Appoġġ għandhom ukoll vokazzjoni li jżommu kuntatt mill-qrib mal-Kummissjoni Ewropea sabiex jiżguraw li l-Patt jiġi implimentat bl-aqwa mod possibbli. L-Istrutturi ta’ Appoġġ huma rikonoxxuti mill-Kummissjoni bħala alleati prinċipali biex iwasslu l-messaġġ u jżidu l- impatt tal-Patt.

• Lista ta’ Strutturi ta’ Appoġġ
• Kif tista’ ssir Struttura ta’ Appoġġ?

L-aġenziji tal-enerġija lokali u reġjonali jistgħu jipprovdu appoġġ utli għall-firmatarji tal-Patt. Għal lista ta’ aġenziji tal-enerġija lokali u reġjonali, il-firmatarji huma mistiedna jikkonsultaw il-websajt ta’ ManagEnergy .